Velkomen til Skreddarhuset

Skreddarhuset er eit næringscluster beståande av ulike verksemder som gjerne leverer skreddarsaum innan sine respektive virkefelt, om enn i ein litt annan bransje enn tidlegare eigar av bygget – Frislid Konfeksjon. Skreddarhuset driv med utleige av attraktive og sentrumsnære lokaler for bedrifter. I tillegg har bygget eit praktisk møterom.

Treng du lokaler? Ta kontakt med oss! Kanskje vi har ledige lokaler som høver deg.

Møte- og konferanserom

Møterommet på Skreddarhuset har høg standard, praktisk utstyr og plass til 12 personar, med moglegheit for utviding til om lag 25 ved å opne opp til kantinedelen. Det er utstyrt med projektor, PC, flatskjermer, videokonferanseløysing og tilkopling for eigen PC. Som verksemd i huset kan du booke møterommet når du har fått bookingdetaljane og tilgang til systemet. Ønskjer du å leige møterom, ta kontakt på telefon 997 15 195 eller send e-post til post@skreddarhuset.no.

Om Skreddarhuset

Namnet Skreddarhuset kjem av historien til bygget der dressprodusenten Frislid framleis held til. Dette namnet speglar også at dei fleste bedriftene der lagar “skreddarsydde” løysingar tilpassa kvar einskild kunde sitt behov. Bygget er på ca. 4500 kvm og inneheld no nye moderne kontorlokaler for utleige. Bygget er tilkopla fjordvarmenettet i Eid Kommune og dette sikrar energieffektiv, miljøvenleg og rimeleg varme og kjøling året rundt. Skreddarhuset ligg i Eid sentrum, midt i Nordfjord og berre eit steinkast frå Nordfjord Hotell ved E39. I tillegg ligg det to flyplassar i nærleiken.

Ledige kontor

Skreddarhuset kan til tider ha ledige kontorlokaler. Ta gjerne kontakt med oss dersom du eller di bedrift har behov. Skreddarhuset ligg eit steinkast frå Scandic Nordfjord Hotell, og for besøkande til deg/di bedrift er dette praktisk og tidseffektivt. Bygget er energieffektivt fordi det er kopla til fjordvarmesystemet som gjev rimelig oppvarming vinterstid og frikjøling sommarstid.

Verksemder i Skreddarhuset

Mange av leigetakarane har lang fartstid i Skreddarhuset, medan andre har kome til etterkvart. Med godt samspel og erfaringsutveksling verksemdene i mellom, får du kjennskap til marknader og kanskje prosjekt/kundar du elles ikkje ville fått høve til å tilby dine tenester til. Vi meiner verksemdene i Skreddarhuset gjer kvarandre gode.